Hovudutvalet for næring og kultur skal ta stilling til utdeling av midlar

Prosjektet "Stien som ferdselsåre gjennom natur- og kulturarven" skal ta vare på stien i Aurlandsdalen som ferdselsåre. I lag med frivillige lag, organisasjonar, grunneigarar og næringsverksemder skal Nærøyfjorden Verdsarvpark sørgje for tryggast muleg framkomst i Aurlandsdalen. 

Oppgradering og oppsetjing av steinmurar, steinlagde gangbaner og grøfter langs stien er noko av arbeidet som skal setjast i gong. Aurlandsdalen ber preg av slitasje frå all vandringa som skjer i området, vér og vind slit også, samtidig som det har vore ras i dalen. Det er difor naudsynt å oppgradere og utbetre stien.

Du kan lese meir om denne saka og andre saker som skal opp i hovudutvalet for næring og kultur den 20. mars her.