Regional transportplan 2018–2027

Regional transportplan 2018–2027 består av eit kunnskapsgrunnlag som ser på utviklingstrekk og framtidige utfordringar innan samferdsleområdet og transportsektoren. I tillegg har Regional transportplan 2018–2027 eit plandokument inkludert eit 4-årig handlingsprogram med oversikt over planlagde investeringar i perioden. Gjennom plandokumentet kjem fylkeskommunen sin langsiktige regionale transportpolitikk til uttrykk. Plandokumentet med handlingsprogram er basert på kunnskapsgrunnlaget og den langsiktige nasjonale og regionale transportpolitikken.

I regional transportplan 2018–2027 er det også utarbeidd ein gå- og sykkelstrategi for å fremje gåing og sykling i Sogn og Fjordane. Denne strategien er også eit ledd i målsetting om å redusere biltrafikken i tettstadane i fylket og dermed redusere klimagasutslepp frå biltransporten.