Barnehagekonsertane

Rikskonsertane er no lagt om til Kulturtanken, Kulturdepartementet sin etat for kunst og kultur til born og unge i skulen. Barnehage ikkje ligg i mandatet til Kulturtanken.

Fylkeskommunen er inne i ein prosess for å sjå på ulike framtidige modellar når det gjeld kunsttilbod i barnhagane og vil kome tilbake til dette.

80 barnehagar med

Barnehagekonsertane var eit konserttilbod til born i alderen tre til fem år. Rikskonsertane og fylkeskommunane delte kostnadene likt. I perioden 1992–2018 vart det gjennomført 60 turnear, 800 konsertdagar og 1600 konsertar for eit publikum på 60 000 barnehageborn i Sogn og Fjordane.

Om lag 80 barnehagar i Sogn og Fjordane var med på ordninga med ein konsert per år. Innhaldet i konsertane var særskilt tilrettelagt for målgruppa, mellom anna ved at borna fekk medverke på konsertane på ulikt vis. Det har vore nytta eit stort spekter av utøvarar i alle sjangrar. Både distriktsmusikarar, fylkesmusikarar og frilansmusikarar frå inn- og utland har vore med.