Historisk bakgrunn

Planavdelinga i fylkeskommunen tok initiativ til arbeidet med bakgrunn i avisoppslaget med overskrifta «Kulturfylket i forfall» i Bergens Tidene 16 juli 1988. Fylkesarkitekt Anker Ryhl starta opp forsøksringen som vart eit pionerarbeidet i Noreg gjennom 1980- og 90-talet.

Sidan den tid har fylkeskommunen årvisst gjeve økonomisk og fagleg støtte til tettstadprosjekt i fylket, heimla i fylkesplanen.

Klikk på biletet for å sjå i full storleik.

Tekst:

FORSØKSRINGEN FOR BYGGESKIKK, BYGNINGSMILJØ OG TETTSTADSFORMING

STATUS FOR ARBEIDET I FYLKET, SEPTEMBER 1991

Forsøksringen starta sitt arbeid på initiativ av Sogn og Fjordane fylkeskommune sin planavdeling med den 1. samlinga den 10. april 1989 i Førde.

Bakgrunnen for etableringa av Forsøksringen var journalist Jan Nyberg og fotograf Oddleiv Apneseth sitt fleirsiders oppslag i Bergens Tidende den 16. juli 1988, under hovudoverskrifta "Kulturfylke i forfall".

Fylkeskommunen har etter plan- og bygningslova eit rettleiingsansvar innan lova sitt område. Dette gjeld såleis og tilhøve innan vårt fysiske miljø.

Oppslaget i Bergens Tidende understreka i ord og bilete at det var naudsynt med ei haldningsendring i høve det fysiske miljøet og naudsynt med nytenking og ekstraordinære tiltak for betring på kort og på lang sikt av dette miljøet.

Målsetjinga for Forsøksringen sitt arbeid er å vere med å utvikle kommunesentra i Sogn og Fjordane til fysisk å bli meir trivelege, spennande, tiltalande og funksjonelle, samstundes som ein tek vare på særpreg, eigenverdi og verneverdige miljø og bygningar. Det er herunder eit mål å vere med å få fram evne, vilje og eit aktivt engasjement til å setje i gang lokalt planleggings- og aktivitetsarbeid for fysisk utvikling av dei enkelte kommunesentra.