Huset i bygda

Huset i bygda bistår alle organisasjonseigde hus med å utvikle husa sine. Dette gjeld både å skape innhald i huset, rehabilitering og oppussing. Dei held også søknadsskrivekurs og skapar ein møteplass for alle som eig hus. Sogn og Fjordane Ungdomslag står bak prosjektet. 

– Levande bygdemiljø med gode møtestader og attraktive fritidstilbod er viktig for dei som veks opp i dag, og for å få folk til å busetje seg. Eg veit at forsamlingshusa er ein viktig møteplass for mange menneske. Her føregår mykje god og spennande aktivitet, og husa er viktige kulturarenaer, slår Ingunn Nyheim fast.